Berdey

Haha ang ganda ng gift sa kin ngayong birthday ko. Isang malaking singko sa exam kanina. Swerte ko talaga! Mukha lang talaga akong delingkwente pero gc talaga ako at di ako sanay bumagsak sa exam. Pwedeng isiping nagyayabang ako pero 'di talaga ako sanay sa 5 at sa 3 lalo na sa plates kaya sobra 'kong nanlulumo. Nagdadrama na nga ako sa jeep kanina eh. Paalam us at cs haha kung anu-anong naiisip ko dahil lang sa isang exam na 10% ng final grade ko. Galing nga eh, nung naunang araw nagkasakit ako kaya di nakareview ng maayos. Tapos nung araw ng exam nagtatae naman ako. Wee! nakakabanas tong araw na to kaya eto di ko na kinayang pumasok pa sa mga subject ko sa hapon. Konti na lang at pwede na 'kong tawaging delingkwente haha. Ang sarap umabsent eh. Nakakaadik parang rugby.
Nitong hapon naman sana magpapahinga ko kaya lang nailipat ko bigla yung pinapanood ko sa hbo. Kala ko bagong creepy movie ni Naomi Watts yun pala The Ring 2. Di pa nga ako nakakarecover sa mga scary movies na pinanuod ko ngaun weekend tapos RIng 2 na naman. Kaya yan di ako nakatulog at nagpasya na lamang magliwaliw.
Pangit tong araw na 'to. Nakakabanas. Kung ganito lang lagi ang nangyayari 'pag birthday eh ayoko nang magbirthday uli.
Di na rin ako siguro malas kasi di naman ako natae habang nag-eexam. Sa tagal ko namang dumadaan at sumasakay sa Philcoa ay di pa naman ako naholdap at sana hindi na kahit kelan. Naulit ko naman yung faux marble ko na nung isang araw ko pa pinag-iisipang ulitin dahil sabi ng ate ko mukha raw landscape na may sanga ng puno. At least ngayon proud na 'kong mukha na siyang marble (kahit papaano) wehehe.
Pero ayoko talaga 'tong araw na 'to.
(SALAMAT NGA PALA SA MGA BUMATI SA AKIN KANINA!) HAPI BERDEY DIN SA INYO!