Kawawa naman 'tong blog na ito. Ni wala mang bagong nakasulat sa loob ng mahabang panahon. Naging tambayan na lang ng katopakan. Sa bagay may topak kasi talaga yung nagsusulat. Masaya akong ibalita na hindi na yata ako sa mga tao sa ngayon. Siguro medyo magpapakasaya muna ako sa mga panahong ito.
Dahil nagpapaantok ako at naghihintay matae, ibabahagi ko ang aking natuklasan kani-kanina lamang. Napulot ko ang ideya sa isang aklat ngunit maaaring nagawa mo na ito. Hinanap ko ang yahoo sa google at ang google sa yahoo. Nakapagtatakang bilyon ang lumabas na resulta sa paghanap ng yahoo sa google at milyon lamang ang lumabas sa paghanap ng google sa yahoo. Hindi ko pa sinubukang tignan ang detalye ng mga resultang ito para masuri dahil masakit ang aking tiyan.
Sa susunod susuriin ko ang bawat pahina ng mga resulta upang masabi kung bakit ganoon na lamang ang layo ng pagkakaiba ng paghanap ng yahoo at google. Marami pang pwedeng gawin tulad ng sabay na pagsaliksik sa YahOOgle ngunit sa susunod ko na lamang ito gagawin. Sa ngayon, ako'y magpapaalam muna at mag-iisip ng isusulat ko sa susunod. Hinahanap-hanap ko rin pala minsan ang pagsulat tungkol sa mga bagay na maaari namang hindi mahalaga sa mundo.
tahanan ng mga gusgusin
No comments:
Post a Comment