Bledo Childuren

Wehehe! Spiral naman ang tinitira ko ngayon. Nakakatawa kasi parang Detective Conan na HunterX na ewan yung story pero hindi gaanong maayos yung pagkakagawa nung kwento. Maganda naman yung drawing. Parang me kahawig si Vash ng Trigun 'dun at syempre meron na namang character na may mahabang puting buhok. Medyo may hawig yung mga hairstyle nila sa characters ng Yami no Matsuei.

Si Narumi Ayumu yung bida na nagpapanggap na Shinichi Kudo (hehehe). Nakakainis yung sa mga unang episodes kasi pinakilala siya na studyanteng walang pakialam sa mundo tapos nakikialam na lang siya sa mga murder cases nung mga sumunod. Basta parang hindi gaanong napag-isipan kung paano siya isisingit sa kwento nung Blade Children na ewan ko pa kung ano. May paborito pa siyang linya "the melody of theory will play the notes of truth" hahahahaha! Episode 6 pa lang yata ako pero tatapusin ko na ring panoorin. Excited na ko mapanood 2ng Shippuuden na Movie kada-download ko lang kagabi! Weee!

Pagmumuni-muni ng isang bata

Huwag ninyong basahin kung walang interes sa mga bagay na nauukol sa pananampalataya.

Naaalala ko noong isang klase ko dati, may tinatalakay kami tungkol sa iba't ibang pook-dasalan at mga simbahan. Nabanas ako dun sa prof namin dahil may comment siya na parang "ah talaga ganyan pala sa simbahan ninyo, sa Catholic church kasi eh passive yung mga tao kaya walang kaso kung ganito ang setup." Katoliko rin siya (nagkakasabay kami magsimba eh) kaya ako nabanas kasi malamang kaya niya nasabi 'yun eh hindi kasi siya nakikisali sa misa. Minsan noong nakita ko siya sa simbahan napatunayan ko ngang isa siya sa mga tulog na tao sa simbahan. Hindi literal na tulog pero yung tipo ngang hindi nakikisali sa mga dasal at awit. Nabanggit ko ito sapagkat alam ko namang may katotohanan nga na maraming hindi aktibo sa misa.

Naisip ko nga lang eh maihahambing ko siya sa isang batang sumasabak sa mga kilos protesta na wala namang naiintindihan sa sinasabi nila at wala namang ginagawa. Nagrereklamo lang. Marami kasing mga Katoliko ang lumilipat sa mga protestanteng simbahan dahil nga nakukulangan daw sila sa lingguhang misa. Paano naman kasi, pupunta ka na nga lang sa misa matutulog ka pa at hindi sasali sa mga dasal. Malamang ganyan din ang kanilang pananampalataya kaya madali silang naiimpluwensyahan at nagbabago ng pananaw.

Totoo naman at napansin ko nga rin na kapag ikaw mismo ang nagsimulang aktibong nakikisali sa misa, maiimpluwensiyahan mo 'yung katabi mong makisali rin. Eh tulad nga nung prof ko, siya mismo hindi aktibo sa misa kaya malamang mahihiya o tatamarin din 'yung mga katabi niya kung pareho sila ng pananaw sa pagsisimba. Nasubukan ko na 'yan at epektibo talaga. Kapag kumakanta ka at sumasagot sa mga dasal sa misa, gagaya rin 'yung katabi mo.

Kanina yung homily ay tungkol sa "authentic faith." Paano ba natin maipapakita ang tunay na pananampalataya? Kailangan nating laging pagsamahin ang pagsamba at paggawa ng mabuti. Sa mga salita nga ni father "faith + good works" palagi. Kung puro pananampalataya lamang sa pamamaraan ng pagsamba ang paiiralin, kulang dahil lalabas na puro pagpapanggap lang ang pananampalataya. Kung puro mabuting gawa naman na walang pananampalataya, nagiging makasarili ang tao. Mabuting gawa sa iba para sa lamang sariling satisfaction ang nangyayari. Nararapat na ang lahat ng ginagawa nating mabuti ay iaalay natin sa Diyos upang makamit natin ang pananampalatayang walang pagkukunwari.

Sa mga katulad kong Katoliko na nagdadalawang-isip sa kanilang paniniwala. Pag-isipan nyo muna kung ano nang nagawa mo para sa iyong simbahan. Ano ba ang nagawa o hindi nagawa ng iyong simbahan sa iyo at naghahanap ka na kaagad sa iba? Ano pa bang hindi mo alam sa iyong pananampalataya? Pag-isipan mo at magsaliksik ka siguradong makikita mo rin ito sa kasalukuyan mong simbahan. Kung wala pa talaga, humingi ka ng tulong sa mga opisyal ng iyong simbahan. Sumali ka sa mga grupo at organisasyon sa simbahan mo na makatutulong sa iyo.

Hindi lamang ang simbahang Katoliko ang tinutukoy ko rito. Maging ang ibang simbahan at pananampalataya. Huwag kayong padadala agad sa kung anong nakita mong bago. Tignan mo ang simbahan at pananampalataya mo ngayon siguradong mahahanap mo ang makikita mo nang hindi ka tumitingin sa iba.

Walang spoilers

Naghihintay na lang ako ng episode 62 ng shippuuden ngayon. 'Di ko pa nacheck kung me subs na ngayon... Wehehe! Ang saya-saya! Sa mga nanonood ng Naruto na di pa nakakapanood ng shippuuden panoorin nyo masaya! Bading pa rin sa Naruto at Sasuke bwisit! At sa season na ito ay isinali na rin nila sa kabadingan si Gaara haaay kaawa-awa naman. Hindi ko inaasahan pero ang paborito kong fight scene sa ngayon eh yung kay Sakura, Chiyo at Sasori! Wahaha hindi na nga gaanong lame si Sakura ngayon nakakaaliw. Nakakainis pa rin lang yung kabadingan ni Naruto haay... Ok sana yung bagong character na idinagdag nila kaya lang bakit siya naka-hanging blouse? Hindi na siguro sila makaisip ng costume wehehe. Aus sana yung character niya pwede kaya nilang ibahin yung drawing ng damit? Harharhar! Mas gusto ko pa ngayon yung mga kwento sa missions nila kesa 'dun sa main story ni Naruto at Sasuke ('di ko naman talaga nagustuhan 'yun eh) Ang kyut nung Kyubi!

Since you left me it's been raining...

Haha! Haha! Hahahaha! Nakakatawa naman si Bon Jovi nalilimutan yung lyrics ng kanta niya! Karirinig ko lang nitong live version niya ng Always. Sa tingin ko naman hindi sadya kasi wala namang espesyal kung baligtarin niya yung lyrics, nagkamali lang yata talaga. Dapat kasi diba "it's been raining since you left me..." muharharhar! Me narinig na 'kong iba niyang live na iniba niya yung tono ng Always pero eto nakakatawa talaga wehehehe! Parang Spongecola, yung live din nila inulit niya yung dalawang lines ng unang verse sa pangalawa hahaha hindi alam yung sariling kanta!

Moyashimon at Kung Anu-ano

Natapos ko na rin kagabi yung Moyashimon 11 eps lang naman. Akala ko nakakatuwa lalo na maganda ang drawing. Ang bida naman dito ay si Sawaki. Nakakakita at nakakakausap siya ng mga microbes. Yung unang tatlong episodes yata eh magkakaugnay pa yung kwento pero pagdating sa ga susunod hanggang huli magulo na. Labo-labo na ang kwento. Di yata maisip nung gumawa kung anong gagawin hehehe. Bigla na lang may mga kwento susulpot na hindi naman konektado. Sa title nga nya me nakalagay na Tales of Agriculture pero wala naman talagang koneksyon. Ginawa lang na nag-aaral siya sa School of Agriculture tapos yun na yun. Bigla na lang nagko-cross dress yung childhood friend niya na lalaki... Haay ewan magulo.

Naalala ko lang kanina may nagtatangkang magbukas ng account ko sa gaia wehehe. Magnanakaw yata ng stuff harharhar wala lang!

Ngayon balik Naruto na 'ko. Grabe putol-putol napapanood 'ko eh nakakabanas. Kulang-kulang kasi yung eps sa pirata at ayaw naman magplay ng online videos... Kung me mababait naman na meron nitong eps na 'to pahiram 121-148, 163-170, 181-209. Hehehe para masimulan ko na yung shipuden excited na 'ko eh!

Nana, Ghost Hound at Elfen Lied

Ayan nagpupuyat na naman ako sa panonood ng anime. Huwag na huwag kayong maniniwala sa kung sinumang nagsasabing maganda ang kwento ng Nana. Katatapos ko lang panoorin ngayon at isa siya sa mga pangit na anime na napanood ko. Kung art at animation ang pag-uusapan sobrang maayos naman pero bokya talaga yung storya.

Ganito kasi 'yun...(paunawa: magulo ako magkwento at susubukan kong ikwento ang Nana, huwag basahin kung mahihiluhin) May dalawang bida na ang pangalan ay Nana pero hindi sila magkamag-anak o kung anuman. Nagkakilala lang sila sa tren papuntang Tokyo tapos nagkataong naging roomates sila doon. Inumpisahan yung anime sa kwento ni Komatsu Nana (na hindi ko na ikukwento) at sinisingit lang yung kwento ni Osaki Nana. Yung nauna college graduate sa isang art school, yung pangalawa eh yung bokalista ng isang banda. Ayoko nang ilarawan pa sila ng mabuti... basta si Komatsu Nana eh yung mas malandi sa kanila. Sa totoo lang halos puro tungkol lang kay Komatsu yung kwento parang bitin lang yung kay Osaki. Muli, nahumaling na naman ako sa magandang drawing ngunit wala namang storya. Puro panlalandi lang ni Nana sa lahat ng lalaking makita nya umiikot ang kwento tapos nabuntis lang sya nung huli. Yung isang Nana hindi na pinakita kung anong pinatunguhan niya at nung banda niya nung final ep.

Sa huli, aking napagtantong nagsayang ako ng oras sa panonood ng 47 ba o 48 eps ng walang kwentang palabas. Sa bagay pwede na rin naman, yung drawing na lang ang nakakaaliw. Pangit kasing hindi tapusin ang mga pinanonood. Wehehe!

'Yan namang Ghost Hound isa ring kalokohan. Tungkol pala siya sa sakit sa utak, astral projection, cloning at global warming. Haaay... ganda pa naman ng drawing kahawig ng Jigoku Shoujo di ko lang sigurado kung pareho ang gumawa.

Elfen Lied naman ay puno ng mga patayan, putol ng mga katawan, mga abnormal na tao at ng fan service. Ayos lang 'to kasi 13 eps lang naman at medyo ok naman yung end marami nga lang ring mali. Hindi gaanong nakaaakit ang drawing pero sobrang ayus yung animation lalo na yung mga napuputol na bahagi ng katawan at sumasabog na mga tao. Magkakahawig lang kasi yung characters... Haaay...

Yozora no Mukou

Ang tagal ko nang di nagsulat rito mula nang matapos ang thesis. Ayun! Natapos na rin lahat... Pati clearance ok na. 'Di pa rin ako nahihimasmasan at di ko pa alam kung graduate na ba ako. Nakapagbayad na ako ng kung anu-anong dapat bayaran para makapagtapos pero hindi pa rin ako kumbinsidong graduate na 'ko. Ewan. Syempre natutuwa akong tapos na 'ko mag-aral pero ngayon ko lang naisip 'di ko pa gustong isipin kung anong gagawin ko ngayon. Ang gulo. Mabuti pang hindi na lang ako magkuwento. Nalulungkot ako ngayon (epekto siguro ng gutom). Ayan na naman. Pagtapos ng graduation ceremony at pag-alis muli ng tatay ko rito sa Pilipinas... magtatrabaho na ba ako? Ewan, ewan at ewan. Gustong-gusto ko magbakasyon pero ngayong wala na 'kong maraming ginagawa napapraning naman ako. Praning! Haha may ADD na nga ako, schizo pa 'ko ngayon. Oo may sira ako sa ulo.