What's on your mind?

'Yan na lamang ang laging tanong sa akin ng facebook. Tsismosang facebook 'yan! Eto naman ako uto-uto. Lagay naman ng lagay ng kung ano ngang iniisip ko. Pathetic. Wala akong maisip na ibang angkop na salitang makapaglalarawan sa akin ngayon. Nakakatamad nang maging tamad pero 'yun talaga ang aking nararamdaman. Ayoko nang magising bukas para magtrabaho. Napapagod na 'ko. Sana mawala na lang ako sa mundo. Gusto kong lumipat ng ibang universe. O kaya ng ibang planeta kung saan ako'y mag-isa lang at magagawa ko kahit anong aking gustuhin. Wala na ring mga shit na gagambala pa sa akin. Wala na ring mga taong makikialam sa buhay ko. Wala na rin akong ibang iintindihin kahit sarili ko. Hindi ko kakailanganin ng pera para mabuhay. Hindi ko na rin sana kailangan ng pagkain 'dun. Basta matutulog na lang ako ng matutulog. Haay! Kaysaya naman ng buhay kung ganoon! Panginoon, naging mabuti naman siguro ako, kunin 'nyo na po ako. Pathetic talaga!